Australia Fo Finansiamentu Adisional Atu Hari’i Banku Komersial Dauluk Iha Timor-Leste

0
17

DILI, TIMOR-LESTE (17 Jullu 2017) — Governu Australia fo ona osan hamutuk AU$400,000 ($306,000 dolares amerikanu) nudar finansiamentu adisional ba transformasaun komersial ne’ebe hala’o daudaun hosi Banku Nasionál Komersiu Timor-Leste (BNCTL) ho apoiu hosi Banku Aziátiku ba Dezenvolvimentu (ADB).

“BNCTL hala’o ona dalan naruk ida hafoin nakfila a’an ba banku komersiál dauluk iha Timor-Leste, hodi fo servisu bankariu ba ema sira iha area urbana no rurál, nune’e kontribui ba kresimentu ekonómiku no dezenvolvimentu”, hateten Paolo Spantigati, nudar Diretór Páis ADB ba Misaun Rezidente iha Timor-Leste. “Ami prontu atu halo nafatin parte iha kresimentu BNCTL nian.” 

Finansiamentu adisionál ne’e sei hatutan traballu ne’ebé mak hala’o daudaun hodi nakfila BNCTL ba banku komersiál liu hosi halo fortalesimentu ba funsaun/knar kritika hosi risku mai hosi kreditu, risku operasionál, kumprimentu no auditoria hodi hatur operasaun banku nian atu bele buras/sa’e ba nafatin. 

Hanesan marka importante ida mak hetan ona iha fulan Janeiru 2017 hafoin halo implementasaun ba kaixa automatika (ATM) hamutuk 20 iha rai laran tomak, nune’e bele fo asesu ba kliente sira BNCTL nian hodi hatoman a’an atu foti osan no halo servisu seluk tan tuir sira nia hakarak. BNCTL mos buka halo nafatin konsiensializasaun ba ninia kliente sira, mak iha ona (eziztente) no sira ne’ebé mak hakarak sai kliente (potensial), konaba oinsa mak atu husu no uza kartaun ATM hodi hasai osan no halo transferensia osan/fundu. 

Iha fulan 12 nia laran tuir mai ne’e, ADB sei fo tulun ba BNCTL atu implementa sistema bankariu sentrál foun ida mak sei apoia servisu bankariu hosi telefone/telemovel no servisu bankariu hosi internet/online. Ida-ne’e sei oferese ba kliente sira flexibilidade boot ida konaba sira nia nesesidade bankaria, nune’e hamenus sira nia tempu atu hakat ba banku no hodi forma atu bele foti osan ka selu konta/tusan.

ADB fo ona asisténsia teknika atu halo transformasaun ba BNCTL hosi Instituisaun Mikro Finansas iha Timor-Leste, nudar instituisaun mikrofinansas ida ba banku komersiál ho lisensa bankaria ida mak laiha limite iha fulan Jullu 2011. BNCTL hanesan banku dauluk Timoroan nian, hodi fo servisu prinsipál ba ema mukit sira no empreza ki’ik konaba asuntu komersiál. Governu, mak asionista mesak deit, ho banku sentrál hamutuk buka lori daudaun BNCTL atu hala’o knar ida ativu liu tan iha sektór bankariu. 

ADB, ho servisu-fatin iha Manila, buka halo knar atu hamenus kiak iha Ázia no iha Pasifiku liu hosi kresimentu ekonómiku inkluzivu, kresimentu sustentavel ba meiu ambiente no integrasaun rejionál. Hari’i iha tinan 1966, ADB selebra tinan hamutuk 50 konaba halo parseria ba dezenvovimentu iha rejiaun ne’e. ADB sai nain ba membru hamutuk 67 – 48 hosi rejiaun ne’e. Iha 2016, ADB halo ona asisténsia hamutuk osan billiaun $31.7, sura hotu ho ko-finansiamentu hamutuk osan billiaun $14.

LEAVE A REPLY